Lögmenn Bótaréttar hafa víðtæka þekkingu og reynslu á sviði slysa- og skaðabótamála en félagið hefur verið starfrækt allt frá árinu 2008. Starfsfólk okkar er meðvitað um mikilvægi þess að viðskiptavinir séu vel upplýstir um framvindu mála allt frá fyrsta degi, hver réttur þeirra sé og þeim fylgt eftir í gegnum oft á tíðum flókið og tímafrekt ferli. Áhersla er lögð á persónulega og einstaklingsbundna þjónustu.
Leggðu það í hendur sérfræðinga Bótaréttar að gæta að þínum rétti – og þú færð þitt.
Björgvin Þórðarson
Hæstaréttarlögmaður, sími: 520 5100
Harpa Hörn Helgadóttir
Lögmaður, sími: 520 5100
Marlena Piekarska
Laganemi, sími: 520 5100
Rannveig Sigurðardóttir
Aðstoðarmaður lögmanna, sími: 520 5100
Anna Sigurjónsdóttir
Aðstoðarmaður lögmanna, sími: 520 5100Það kostar ekkert að kanna málið
Góð ráð
-
-
Lendir þú í slysi, leitaðu strax til læknis og láttu skoða mögulega áverka. Mikilvægt er að allt sé rétt skrásett í sjúkragögnum frá upphafi.
-
Láttu okkur sjá um að fara með mál þitt allt frá upphafi. Erfiðara getur reynst að sanna bótarétt því lengra sem líður frá slysinu.
-
Skráðu hjá þér allar breytingar á líðan, getu og færni frá því að slysið varð. Það mun auðvelda fyrir þér þegar til matsfundar kemur.
-
Haltu vel utan um reikninga og greiðslukvittanir fyrir útgjöldum sem tengjast slysinu s.s kostnaði við læknisaðstoð, lyfjum, sjúkraþjálfun, ferðakostnaðar o.fl.
-
Bótaréttur innheimtir útlagðan kostnað frá bótaskyldum aðilum jafnóðum og hann fellur til, liggi viðeigandi reikningar fyrir.
-
Algengar spurningar
Hvað er vinnuslys og af hverju skiptir skilgreining þess máli?
Með slysi er átt við skyndilegan utanaðkomandi atburð sem veldur meiðslum á líkama þess sem tryggður er og gerist án vilja hans. Þeir sem verða fyrir líkamstjóni við vinnu eiga ekki rétt á bótum vegna áverka nema þegar um vinnuslys er að ræða. Mikilvægt er að atvikum máls sé skilmerkilega lýst þegar vinnuslys er tilkynnt til tryggingafélags, Vinnueftirlitsins og Sjúkratrygginga Íslands.
HVAÐ ER ÁTT VIÐ MEÐ SÖK?
Menn bera ábyrgð á slysi (tjóni) sem þeir valda á grundvelli svokallaðar sakarreglu, þ.e. þegar ekki er kveðið á um strangari ábyrgð í lögum eða samningi. Eitt af skilyrðum sakarreglunar er að slysinu (tjóninu) hafi verið valdið með saknæmum hætti, þ.e. af ásetningi eða gáleysi.
HVER FRAMKVÆMIR ÖRORKUMATIÐ?
Það eru til þess hæfir einstaklingar svokallaðir matsmenn. Þegar um er að ræða örorkumat t.d. vegna vinnuslysa þegar sök er ekki til að dreifa hjá vinnuveitanda eða frítímaslysa er það oftast einn læknir sem framkvæmir matið. Þegar um er að ræða örorkumat t.d. vegna umferðarslysa eða vinnuslysa þegar sök er til að dreifa hjá vinnuveitanda er það oftast tveir menn sem framkvæma matið, tveir læknar eða læknir og lögfræðingur. Almennt er það þannig að lögmaður hins slasaða og viðkomandi tryggingafélags koma sér saman um matsmennina. Einnig er sérstök nefnd sem starfar samkvæmt skaðabótalögum, Örorkunefnd, sem metur afleiðingar slyss. Þá er einnig hægt að dómkveðja matsmenn til þess að meta afleiðingar slyssins.
HVAÐ TEKUR LANGAN TÍMA AÐ FÁ BÆTUR GREIDDAR?
Það ræðst fyrst og fremst af eðli þeirra áverka sem um er að ræða í hvert og eitt skipti. Til þess að hægt sé að krefjast bóta vegna slyss er nauðsynlegt að örorkumat hafi farið fram á hinum slasaða. Örorkumat fer oftast ekki fram fyrr en ár er að minnsta kosti liðið frá slysi enda þá fyrst hægt að meta hvort afleiðingar slyssins séu varanlegar.
HVENÆR ÞARF ÉG AÐ GREIÐA VEGNA VINNU VIÐ MÁL MITT?
Fyrsta viðtal þitt hjá lögmanni Bótaréttar er alltaf frítt. Í langflestum tilvikum er greiðsla til lögmanns gerð upp þegar bætur hafa verið greiddar. Viðkomandi tryggingafélag greiðir stærsta hluta lögmannsþóknunar. Fáist engar bætur greiddar er engin þóknun greidd til Bótaréttar. Ef hins vegar á að láta reyna á málið til að mynda hjá Úrskurðarnefnd í vátryggingamálum, Úrskurðarnefnd almannatrygginga, gjafsóknarnefnd eða dómstólum er greitt samkvæmt gjaldskrá Bótaréttar, en ekki er farið í slíkt ferli án samþykkis tjónþola.
