Starfsfólki til sjós er tryggður mjög ríkur réttur til bóta í ljósi hættulegra og krefjandi vinnuaðstæðna og verði líkamstjón vegna slyss skiptir ekki máli hvort það sé að rekja til mistaka eða vanrækslu. Hins vegar er sem og fyrr mikilvægt að bregðast skjótt og rétt við, þá að vinnuveitandi skrái málið réttilega og tryggt sé að slysið verði tilkynnt til Vinnueftirlitsins og Sjúkratrygginga Íslands svo dæmi séu tekin.
Þeir fiska sem róa, ertu tilbúin/nn að sækja þinn hlut?
Tímabundið atvinnutjón
Bætur fyrir tekjutap frá slysdegi og þar til tjónþoli verður vinnufær eða ef ekki er að vænta frekari bata. Þetta gildir einnig um þá sem eru heimavinnandi enda eru heimilisstörf ekki síður mikilvæg en störf utan heimilis.
Þjáningabætur
Staðlaðar bætur fyrir þann tíma sem tjónþoli telst vera veikur vegna slysaáverkanna.
VARANLEGUR MISKI
Staðlaðar bætur með hliðsjón af því hversu miklir slysaáverkarnir eru út frá læknisfræðilegu sjónarmiði svo og með hliðsjón af þeim erfiðleikum sem þeir valda í lífi tjónþola.
VARANLEG ÖRORKA
Bætur fyrir framtíðartekjutap vegna varanlegrar skerðingar á aflahæfi sem slysaáverkarnir hafa í för með sér og reiknast út frá aldri tjónþola og tekjum hans síðastliðin þrjú ár fyrir slysið. Miðað er við ákveðin lámarkslaun í þeim tilfellum, sem tjónþoli hefur verið tekjulítill síðastliðin þrjú ár fyrir slys.